Nufuzli italiyalik jurnalist Fabrisio Romano “Napoli” vingeri Xvicha Kvarasxeliyaning Londonning “Chelsi” klubiga o‘tishi haqidagi mish-mishlarni rad etdi. Eslatib o‘tamiz, yaqinda gruziyalik futbolchi "Stemford Brij"ga o‘tishi mumkinligi haqida xabarlar tarqalgan edi.
"O‘tgan hafta biz «Chelsi»ning Kvarasxeliyaga qiziqishi haqida mish-mishlarni eshitdik. Sizga shuni ayta olamanki, “Chelsi” shu kungacha “Napoli” bilan hech qanday muzokara boshlamagan va hatto futbolchi bilan ham aloqaga chiqmagan”, dedi Romano o‘zining podkastida.
Joriy mavsumda Xvicha Italiya A seriyasida o‘n uchta o‘yinda maydonga tushib, to‘rtta gol urdi va uchta golli uzatmani amalga oshirdi.
