Майк Меньян ва "Милан" ўртасидаги шартномани узайтириш бўйича музокаралар боши берк кўчага кириб қолди ва шу фонда кўплаб топ-клублар дарвозабонга кўз тикишмоқда.
Foot Mercato нашри хабарига кўра, 28 ёшли Меньянга "Челси", "Манчестер Юнайтед", "ПСЖ" ва "Бавария" клублари қизиқиш билдирмоқда.
Қайд этилишича, Майк Меньянни тахминан 70 миллион еврога сотиб олиш мумкин бўлади.
Айтиш жоизки, амалдаги шартнома Меньянни "Милан" билан 2025/2026 йилги мавсум охиригача боғлайди. Умуман олганда, дарвозабон “россонерилар” сафида 84 та ўйин ўтказиб, 79 та гол ўтказиб юборган.
Айни дамда “Милан” Италия чемпионати турнир жадвалида учинчи ўринни эгаллаб турибди.
