"Барселона" ва "Манчестер Юнайтед" яқин келажакда трансфер бозорида юқори даражадаги ўйинчилар алмашинувини амалга ошириши мумкин.
TodoFichajes нашри маълумотларига кўра, Рафинья "Олд Траффорд"га, Маркус Рэшфорд эса Каталонияга йўл олиши мумкин.
26 ёшли Рэшфорд шартномаси узайтирилганидан кейин энг яхши мавсумни ўтказмаяпти. Ҳужумчи "Манчестер Юнайтед" сафида 18 та ўйинда атиги 2 та гол урган. 26 ёшли Рафиньяни миш-мишлар узоқ вақтдан бери Премьер-лигага қайтиши билан боғлаб келмоқда, у аввалроқ "Лидс" шарафини ҳимоя қилган.
Transfermarkt Рафиньяни 60 миллион еврога, Рэшфордни эса 75 миллион еврога баҳоламоқда.
