Испания Қироллик футбол федерацияси (RFEF) собиқ президенти Луис Рубиалесга янги иш таклиф қилинди, деб хабар бермоқда El Nacional нашри.
Манбага кўра, Саудия Арабистони функционерга мамлакатнинг 2034 йилда футбол бўйича жаҳон чемпионатини ўтказишга даъвогарлигини илгари сурувчи жамоага қўшилишни таклиф қилган.
30 октябрь куни ФИФА Испания футбол федерациясининг собиқ президентини ўпиш можаросидан кейин уч йилга ишдан четлатди.
15 сентябрь куни Испания миллий суди Рубиалесга тергов давомида аёллар терма жамоаси футболчисига 200 метр масофадан яқинлашишни ва у билан мулоқот қилишни тақиқлади.
20 август куни Испания аёллар терма жамоаси турнир финалида Англия терма жамоасини мағлуб этиб (1:0) жаҳон чемпиони бўлди. Тақдирлаш маросимида Рубиалес Женнифер Эрмосонинг лабларидан ўпди. Испания прокуратураси Рубиалеснинг жинсий зўравонлиги юзасидан тергов бошлади.
