"Манчестер Сити" ярим ҳимоячиси Калвин Филлипс қишки трансфер ойнасида "Ньюкасл"га ўтиши мумкин. Бу ҳақда 90min нашри хабар бермоқда.

Манбага кўра, "қарғалар" вакиллари "шаҳарликлар" раҳбарияти билан музокарага киришган. "Ньюкасл" биринчи навбатда англиялик ярим ҳимоячини ижарага олмоқчи. Италиялик Сандро Тонали пул тикиш учун дисквалификация қилинганидан кейин "Ньюкасл" шошилинч равишда ярим ҳимоячига муҳтож. Қайд этилишича, Филлипс "шаҳарликлар" мураббийлар штаби режаларига киритилмаган.

Эслатиб ўтамиз, "Манчестер Сити" ярим ҳимоячини 2022 йилнинг июлида "Лидс"дан сотиб олганди. Transfermarkt порталига кўра, ўшанда унинг трансфери учун 49 миллион евро тўланган. Филипснинг "шаҳарликлар" билан амалдаги шартномаси 2028 йилнинг июнига қадар тузилган. Жорий мавсумда Калвин олтита учрашувда қатнашиб, жами 168 дақиқа ўйнади.

Аввалроқ Филлипсга "Ливерпуль" қизиқиш билдираётгани ҳақида хабар берилганди.