Италия терма жамоаси бош мураббийи Лучано Спаллетти футболчиларнинг Евро-2024'га ёндашуви ҳақида гапирди.
“Наполи”нинг собиқ устози шу йилнинг сентябрида терма жамоадаги фаолиятини бошлаган эди. Спалетти бошчилигида "Скуадрадзурра" Испания, Хорватия ва Албания терма жамоалари билан Евро-2024'да бир гуруҳда ҳаракат қилади.
"Гуруҳ босқичида бизни кутиб турган ўйинлар чорак финалда ҳам бўлиб ўтиши мумкин эди, аммо Италия термаси қўрқмаслиги керак. Биз ҳикоямизни давом эттиришимиз керак.
Аввалги авлодларда терма жамоа футболчилари бир-бирлари учун курашган. Ҳозирги кунда бази йигитлар терма жамоа либоси нақадар муҳимлигини тушунишга қийналмоқда. Баъзилар бошқа нарсалар ҳақида қайғурадилар", - деди Спалетти Sky Sport нашрига берган интервьюсида.
