"Ницца" ҳимоячиси Жан-Клер Тодибо полицияга унинг собиқ мураббийи Кристоф Галтье уни Рамазон рўзасини очишга мажбурлаганини айтди. Айблов мураббий иши бўйича тингловдан 10 кун олдин эълон қилинган.
Франция ҳукумати Галтьени маънавий таъқиб ва этник, ирқий ёки диний камситишда айблади, бу уч йиллик қамоқ жазоси ва 45 минг евро миқдорида жаримага тортилиши мумкин. Ҳозирда Қатарнинг "Ал-Дуҳайл" клубида ишлаётган мураббий собиқ ҳамкасби ва "Ницца" спорт директори Жюльен Фурньенинг электрон почта хабари оммага эълон қилинганидан сўнг пайдо бўлган айбловларни бир неча бор рад этди.
15 декабрга белгиланган тинглов санаси билан L’Équipe иш бўйича батафсил маълумотларни ошкор қилди. Хабар қилинишича, Галтьенинг таъқиб ва камситиш қурбонларидан бири бўлган Тодибо сўроқ пайтида полицияга мутахассис уни Рамазон рўзасини бузишга мажбурлаганини айтган.
Франтсиялик марказий ҳимоячи полицияга, шунингдек, "Ницца"даги бошқа одамлардан Галтье уни "салафий" ва "террорчи" деб атаганини билганини айтди.
