Мюнхеннинг «Бавария» клубига бош мураббий этиб тайинланган Хосеп Гвардиола янги жамоаси сафида «Сантос»нинг 20 ёшли ҳужумчиси Неймарни кўришни хоҳламоқда. Бу ҳақда «Bild» нашри хабар тарқатди.
Мутахассис футболчини «Барселона»да ишлаб юрган пайтларидаёқ жамоасига чақирганди. Ҳаттоки, баъзи манбаларда «Барселона» Неймарнинг жамоасига ўтишини кафолатлаш учун 10 миллион евро олдиндан тўлаб қўйгани борасида ҳам хабарлар тарқалган, бироқ бу ўз тасдиғини топмади.
Футболчининг ўзи бир неча маротаба Гвардиола билан бирга ишлашни хоҳлашини таъкидлаб ўтганди. Агар футболчи «Бавария»га келадиган бўлса, бу 2014 йилдан олдин амалга ошмаслиги аниқ. Сабаби Неймарнинг ўзи Бразилияда ўтадиган жаҳон чемпионатига қадар мамлакатдан кетишни истамаяпти.