«Манчестер Юнайтед» клуби ижрочи директори Дэвид Гилл «Кристал Пэлас»нинг 20 ёшли яримҳимоячиси Уилфрид Заага қизиқиш билдираётганини расман тасдиқлади. Аммо футболчи билан келишиб бўлингани борасида хабарни инкор этди.

«У биз сотиб олишни хоҳлаган футболчилардан бири. Ҳозирча сизга айтишим мумкин бўлган бор гапим шу. Мен футболда ҳаммаси ҳал бўлиб улгурмагунча бирор нарса демайман. Ҳозирча барчаси ҳал бўлиб улгургани йўқ. Демак ҳозирча бу борада охирги гапни айтишга эрта», дейди Гилл.

Гилл шунингдек, агар клуб футболчини сотиб олса мавсум сўнггига қадар уни ижарага беришларини тасдиқлади: «Агар биз ҳозироқ  Уилфрид билан келишсак ҳа уни жамоасида ёзгача қолдиришимиз аниқ».