"Челси" ярим ҳимоячиси Мойзес Кайседо ўз агенти Али Баратни "Golden Boy" совринини қўлга киритгани билан табриклади. Эквадорлик футболчининг агенти ўтган йилнинг энг яхши футбол агенти деб топилди.
"Сизни ушбу нуфузли мукофот билан табриклайман. Сиз менинг "Челси"га ўтишим учун қилган барча меҳнатингиз билан бунга лойиқсиз. Сиз туфайли менинг болалик орзум амалга ошди. Энди бу клубда тарих яратиш вақти келди" - деб пост қолдирди Кайседо ижтимоий тармоқларда.
Эслатиб ўтамиз, Мойсеснинг трансфери “Челси”га бонусларни ҳисобга олмаганда 117 миллион еврога тушган. “Кўклар” эквадорлик футболчи учун курашда “Ливерпуль” ва “Арсенал”ни мағлуб этишди.
