"Арсенал" бош мураббийи Микель Артета жамоанинг Англия чемпионатидаги етакчилиги ҳақида гапирди.

"Мен бу ҳақда ўйламайман. Рақиблар бизни мағлуб этишлари қийин бўлиши учун қандай қилиб яхшироқ ўйнашимиз ва барқарорликни қўлга киритишимиз ҳақида ўйлайман. Олдинда бизни ҳали узоқ марафон кутиб турибди", - деди Артета Daily Mail билан суҳбатда.

14-турдан сўнг "Арсенал" ўз хазинасига 33 очко қўшишга муваффақ бўлиб, Англия Премьер-лигаси турнир жадвалида биринчи ўринни эгаллаб турибди. "Канонирлар"нинг энг яқин таъқибчиси "Манчестер Сити" бўлиб, у атиги икки очко ортда қолмоқда.

Бугун, 5 декабрь куни "Арсенал" сафарда "Лутон Таун"га қарши баҳс олиб боради. Учрашув Тошкент вақти билан 01:15 да бошланиши режалаштирилган.