"Байер"нинг ўнг қанот ҳимоячиси Жереми Фримпонг Англия Премьер-лигасининг бир қатор клублари трансфер мақсади бўлиб қолмоқда.

Ўнг қанот ҳимоячиси ўтган ёзда АПЛга кўчиб ўтиши мумкин эди, аммо "Байер" якунда уни сақлаб қолишга эришди. Фримпонг мавсум охирида клубини ўзгартириши эҳтимоли юқори ва Лондоннинг "Арсенал" ва "Ливерпуль" у учун асосий даъвогарлар қаторида кўрилмоқда. 90min маълумотларига кўра, Премьер-лиганинг иккала гигантининг скаутлари 22 ёшли футболчининг қобилиятлари билан яхшироқ танишиш учун "доричилар"нинг "Боруссия Дортмунд"га қарши ўйинига ташриф буюришган.

Маълумки, 2024 йилнинг ёзида Жереми Фримпонгни 40 миллион еврога сотиб олиш мумкин - бу вариант ҳужумкор ҳимоячи шартномасида ёзилган.