Ҳужумчи Муҳаммад Салоҳ 2024 йилда “Ливерпул”ни тарк этиши мумкин. TodoFichajes хабарига кўра, мисрлик футболчини Саудия Арабистони лигасига ўтиш варианти қизиқтирмоқда. Салоҳнинг Саудия клубларидан бирига трансфери суммаси тахминан 70 миллион еврони ташкил қилиши мумкин.

Салоҳнинг амалдаги шартномаси уни "Ливерпуль" билан 2024/2025 йилги мавсум охиригача боғлайди. Вазиятдан келиб чиққан ҳолда, мерсисайд клуби футболчини бир йилдан кейин текинга йўқотиб қўймаслик учун уни кейинги йили сотиш фойдалироқ бўларди.

Муҳаммад Салоҳ 31 ёшда. Жорий мавсумда мисрлик футболчи “Ливерпуль” сафида 20 та ўйинда майдонга тушиб, 13 та гол урди ва жамоадошларига 7 та голли узатма берди.