Антони ўзини фаолиятидаги қийинчиликларни енгишга қодир, деб ҳисоблайди.
«Катта клубларда ўйнаганлар, айниқса «Манчестер Юнайтед»да ҳар доим босимга дуч келишади. Менинг ҳаётим ҳар доим жуда қийин бўлган ва мен кўп марта тасаввур қила олмайдиган вазиятларни бошдан кечиришга мажбур бўлдим.
Мен озиқ-овқат, яхши уй, интернет ва яхши таълим олиш имтиёзлари бўлмаган ноқулай муҳитда ўсганман. Бу даврда мен босим ва қийинчиликларга дош беришни ўргандим.
Бироқ индамай ўзимни тиклаяпман ва мен ўзимнинг энг яхши жисмоний ва руҳий ҳолатимни қўлга киритишим ва олдимда турган қийинчиликларни енгишим мумкинлигини биламан, чунки бу менинг ҳаётимда доим шундай бўлган. Ҳеч ким менга ҳеч қачон ҳеч нарса бермаган, мен эришган ҳамма нарса қаттиқ курашишлар натижаси эди!
23 ёшдаман ва сўнгги тўрт йил ичида ҳаётим тубдан ўзгарди. Бу ўзгаришларнинг барчасини ўзлаштириш ва тушуниш осон эмас эди.
Мақсадим - ўзимнинг энг яхши формамга қайтиш ва энг юқори савияда ишлаш, хотиржамликни тиклаш! Ёш ўйинчиларга маслаҳатим шуки, ўз менталитетингизга эътибор беринг ва кўп меҳнат қилинг, шунда ҳаммаси ўз-ўзидан бўлади», - деди «Манчестер Юнайтед» вингери.
