«Манчестер Юнайтед» бош мураббийи Эрик тен Хаг қишки трансферлар ойнасида жамоасининг эҳтимолий харидлари ҳақида гапирди.
«Ўйлайманки, биз қишда ўйинчиларни сотиб оламиз. Шундай бўлса ҳам, биз энг яхши ўйинчиларни қўлга киритиш тамойилига қатъий амал қилишимиз керак. Жамоамизни чиндан ҳам кучайтира оладиганлар бизга керак.
Лекин биз энг аввало клубимиз футболчиларининг ҳозирги формаси ҳақида ўйлаймиз. Биз уларнинг ҳар биридан машғулотларда ва ўйинларда 100% мажбуриятни кутамиз», - деди мураббий.