«Милан» «Арсенал» ва Польша терма жамоаси ҳимоячиси Якуб Кивиорни ўз сафига қўшиб олиши мумкин. Бу ҳақда 90min хабар бермоқда.
Манба берган хабарга кўра, «россонерилар» раҳбарлари қишки трансфер ойнасида лондонликлар билан 23 ёшли ҳимоячини ижарага олиш бўйича келишувга эришмоқчи.
«Милан» польяк учун ўйин вақтини кафолатлашга тайёр. Ўз навбатида «Арсенал» ҳимоячини асосий таркибда кўрмайди.
Қайд этилишича, «Милан» Кивиорни доимий равишда ўз жамоасида кўрмоқчи. Италия клуби раҳбарияти ижара шартномасига сотиб олиш вариантини киритишга ҳаракат қилади.
