«Milan» «Arsenal» va Polsha terma jamoasi himoyachisi Yakub Kiviorni o‘z safiga qo‘shib olishi mumkin. Bu haqda 90min xabar bermoqda.

Manba bergan xabarga ko‘ra, «rossonerilar» rahbarlari qishki transfer oynasida londonliklar bilan 23 yoshli himoyachini ijaraga olish bo‘yicha kelishuvga erishmoqchi.

«Milan» polyak uchun o‘yin vaqtini kafolatlashga tayyor. O‘z navbatida «Arsenal» himoyachini asosiy tarkibda ko‘rmaydi.

Qayd etilishicha, «Milan» Kiviorni doimiy ravishda o‘z jamoasida ko‘rmoqchi. Italiya klubi rahbariyati ijara shartnomasiga sotib olish variantini kiritishga harakat qiladi.