"Ливерпуль", "Эвертон" ва "Брентфорд" клублари "Хоффенхайм" ҳужумчиси Максимилиан Байерга қизиқиш билдирмоқда Bild нашри.

Байер 2018 йилнинг июль ойида эркин агент сифатида Германиянинг "Энерги" ёшлар жамоасидан "Хоффенхайм"га ўтган эди. Футболчининг клуб билан шартномаси 2027 йилнинг ёзига қадар мўлжалланган. Transfermarkt 21 ёшли ҳужумчини 8 миллион еврога баҳоламоқда, шунингдек, Байернинг "Хоффенхайм" билан шартномасида товон пули 30 миллион еврога тенг.

Жорий мавсумда германиялик футболчи 15 та ўйинда майдонга тушиб, 6 та гол урди ва 4 та голли узатмани амалга оширди. Германия чемпионати тўпурарлари рўйхатида Байер саккизинчи ўринда.

13-турдан кейин "Хоффенхайм" 20 очко билан Бундеслигада 6-ўринда бормоқда. "Байер" чемпионатда пешқадамлик қилмоқда (35 очко).