Лондоннинг «Тоттенхэм» клуби ўз ҳужумчиси Ришарлисонни 70 миллион евродан камига сотмоқчи эмас.
«Шпорлар» бразилияликни сотса, ҳеч бўлмаганда 2022 йилнинг ёзида жамоа «Эвертон»га трансфер учун тўлаган пулни олишни истайди.
Эслатиб ўтамиз, Саудия Арабистони клублари Ришарлисон хизматларига қизиқиш билдирмоқда ва трансферни январда якунламоқчи.
Бироқ, маҳаллий жамоалар «Тоттенхэм»нинг молиявий талабларини қондиришга рози бўладими ёки йўқми, ҳозирча маълум эмас.