Машҳур собиқ футболчи Уэйн Руни "Реал" ярим ҳимоячиси Жуд Беллингем келаси йил “Олтин тўп”ни қўлга киритиши мумкинми, деган саволга жавоб берди.

"Агар у шундай ўйнашда давом этса, нима учун олмаслиги керак? Месси ва Роналду ҳукмронлик қилган пайтда биз уларнинг циклини босиб ўтганмиз. Ишончим комилки, келаси йили беш-олти нафар футболчи “Олтин тўп” учун курашади. Агар Беллингем шундай давом этса, у бу рўйхатда бўлади.

Англиялик ёш йигитининг хорижда яхши натижаларга эришаётганини кўриш жуда ёқимли. У Германияда яхши ўйнади ва ҳозир дунёнинг асосий клубларидан бирида порламоқда. Мен у учун жуда хурсандман" - деди Руни Sky Sports нашрига.

2023/2024 йилги мавсумда Жуд Беллингем 17 та ўйинда 15 та гол урди ва 4 та голга ассистентлик қилди.