Лондоннинг "Тоттенхем" клуби "Эвертон"нинг марказий ҳимоячиси Жерред Брентуэйтга эътибор қаратмоқда.
Sky Sports нашри хабарига кўра, 21 ёшли англиялик футболчи "шпорлар"нинг январь ойидаги трансфер бозори учун номзодлар рўйхатида биринчи ўринда туради.
Брентуэйт яқинда "Эвертон" билан шартномасини 2027 йилнинг ёзига қадар узайтиргани сабабли келишув мураккаблашиши мумкин. Ливерпулликлар Анж Постекоглу жамоаси тўлай олмайдиган товон пулини талаб қилишлари мумкин.
Эслатиб ўтамиз, аввалроқ Брентуэйт "Манчестер Юнайтед"га ўтиши мумкин эди. Англиялик ҳимоячи ўтган мавсумни Нидерландияда ПСВ Эйндховен сафида ижара асосида ўйнади.
