"Барселона" дарвозабони Марк-Андре тер Штегеннинг бел қисмида муаммолар бор эканлиги маълум бўлганди.
Ҳафта бошида германиялик футболчи клуб билан биргаликда жарроҳлик амалиётига ўтишга қарор қилганини маълум қилганди. "Football Espana" хабарига кўра, 31 ёшли дарвозабон пайшанба куни ҳеч қандай асоратларсиз муваффақиятли операция қилинган. Энди реабилитация, прогнозларга кўра, икки-уч ой давом этади. Футболчининг ўзи январда сафга қайтиш ниятида.
Марк-Андре тер Штеген ушбу мавсумда "Барселона" сафида 17 та ўйинда майдонга тушиб, 15 та гол ўтказиб юборган. Асосий дарвозабон ўрнини жамоанинг сўнгги учта ўйинида майдонга тушган Иньяки Пенья эгаллайди.
