«Милан» ярим ҳимоячиси Исмаэль Беннасер жамоасининг жорий А Сериядаги истиқболлари ҳақида ўз фикрлари билан ўртоқлашди.
Жазоирлик футболчи яқинда жароҳатидан фориғ бўлди ва баҳордан бери илк бор майдонга тушди – у «Фрозиноне»га қарши ўйинда захирадан майдонга тушди.
«Жароҳатдан кейинги тикланиш даври қийин кечди, мен кўп ишладим. Шу вақт ичида эришган ютуқларимдан фахрланаман. Ҳали оптимал формага кирганим йўқ, лекин бунга яқинлашиб қолдим.
Биз барча эътиборимизни мақсадларимизга эришишга қаратганмиз. Ҳа, биз чемпионатда бироз ортда қолдик, лекин барибир скудеттога ишонамиз», деди Беннасер.
