«Milan» yarim himoyachisi Ismael Bennaser jamoasining joriy A Seriyadagi istiqbollari haqida o‘z fikrlari bilan o‘rtoqlashdi.
Jazoirlik futbolchi yaqinda jarohatidan forig‘ bo‘ldi va bahordan beri ilk bor maydonga tushdi – u «Frozinone»ga qarshi o‘yinda zaxiradan maydonga tushdi.
«Jarohatdan keyingi tiklanish davri qiyin kechdi, men ko‘p ishladim. Shu vaqt ichida erishgan yutuqlarimdan faxrlanaman. Hali optimal formaga kirganim yo‘q, lekin bunga yaqinlashib qoldim.
Biz barcha e’tiborimizni maqsadlarimizga erishishga qaratganmiz. Ha, biz chempionatda biroz ortda qoldik, lekin baribir skudettoga ishonamiz», dedi Bennaser.
