“Вест Хэм” ярим ҳимоячиси Жаррод Боуэн Англия Премьер-лигаси тарихида кетма-кет еттита меҳмонда гол урган учинчи футболчига айланди.
Аввалроқ, "Арсенал" ва "Манчестер Юнайтед"нинг собиқ ҳужумчиси Робин ван Перси (тўққизта) ва "Манчестер Сити" ҳужумчиси Серхио Агуеро (етти) кетма-кет камида етти марта гол уришганди. 26 ёшли Боуэн 2020 йилдан буён Лондоннинг “Вест Хэм” жамоасида ўйнаб келмоқда. Англиялик футболчи "Халл Сити"дан "болғачилар" сафига келиб қўшилди.
Жаррод Англия Премьер-лигасининг жорий мавсумида 14 ўйинда 9 та гол урган ва 1 та голли узатмани амалга оширди. Ўтган мавсумда кўп қиррали вингер гол-пас тизимида 11 очко тўплади (6 гол ва бешта голли узатма). "Вест Хэм" 14-турдан кейин турнир жадвалида 9-ўринни эгаллаб турибди.
