Ҳимоячи Гарри Магуайр ноябрь ойидаги Премьер-лиганинг энг яхши футболчиси деб топилди. Футболчи овоз беришда ғалаба қозонганидан кейин ўз фикрларини билдириб ўтди.
"Мен буни жамоадошларимсиз, ходимларсиз ва сизларсиз, мухлисларсиз бажара олмасдим. Сизнинг меҳрингиз ва қўллаб-қувватлашингиз эътибордан четда қолмайди, мен буни қадрлайман", - деди Магуайр.
"Манчестер Юнайтед" айни дамда Англия чемпионати турнир жадвалида олтинчи ўринда бормоқда. Эрик тен Хаг шогирдлари навбатдаги ўйинни 9 декабрь, шанба куни ўз майдонида "Борнмут"га қарши ўтказади.
