"Арсенал" бош мураббийи Микель Артета "Лутон Таун"га (4:3) қарши ўйинда гол урганини нишонлагани учун олган сариқ карточкасига изоҳ берди. Бу огоҳлантириш испаниялик мутахассис учун мавсумдаги учинчиси бўлди, шу боис у "Астон Вилла" билан бўлажак ўйинни ўтказиб юборишига тўғри келади.
"Мен ўзимни тўхтата олмадим, бу жуда ҳиссий лаҳза эди. Мен қоидалар борлигини тушунаман, шунинг учун буни қилиш мумкин эмас эди" - деди Артета TNT Sports билан суҳбатда.
Англия Премьер-лигасининг 16-туридан ўрин олган “Астон Вилла” – “Арсенал” учрашуви эртага, 9 декабрь куни бўлиб ўтади.
