«Ювентус» клуби раҳбарияти ярим ҳимоячи Поль Погба билан шартномани бекор қилишга тайёргарлик кўрмоқда.
"La Gazzetta dello Sport" тарқатган хабарга кўра, 30 ёшли ўйинчи расман футболдан четлатилгач, клуб у билан тезилган шартномани бекор қилади.
Маълумотларга қараганда, «Юве» шартномани Погба билан келишган ҳолда икки томоннинг розилиги билан бекор қилмоқчи. Шунда томонлар бир-бирига компенсация маблағини тўламайди. Агар жамоа франциялик футболчи билан келишувга эриша олмаса, шартномани бир томонлама бекор қилади.
Эслатиб ўтамиз, Погба 20 август куни топширган допинг-таҳлил ижобий натижа берган эди. Такрорий текширув ҳам ўйинчи допинг қабул қилганини тасдиқлади. Айни пайтда 30 ёшли футболдан вақтинчалик четлатилган.