«Ливерпуль» бош мураббийи Юрген Клопп Англия премьер-лигасининг жорий мавсумидаги чемпионлик учун кураш ҳақида гапирди.

«Манчестер Сити» 10 очколик фарқ билан турнир жадвалида биринчи ўринда эмаслиги бироз ғалати ҳолат.

«Арсенал» жуда яхши ҳаракат қилмоқда, биз унчалик ёмон эмасмиз. «Астон Вилла» жуда кучли ва ростини айтсам, улар сўнгги баҳсда ажойиб ўйин кўрсатди», - деди Клопп.

Бундан ташқари, германиялик мутахассис сўнгги муваффақиятсизликларга қарамай, юқори ўринларда қолаётган «Ньюкасл» ва «Тоттенхэм»нинг яхши натижаларини қайд этди.