«Барселона» ярим ҳимоячиси Илкай Гюндоган «Арсенал» бош мураббийи Микель Артетанинг фикрига қўшилди, у аввалроқ германиялик футболчини шундай таърифлаган: «У майдонда порламайди, лекин у бошқаларни порлатади».
«Менга бу сўзлар ёқади. Ўзим ҳақимда шундай дейишим мумкин. Бу мени нафақат футболчи, балки инсон сифатида ҳам аниқ таърифлайди.
Мен атрофимдаги барчага улар ўзларини яхши ҳис қилишлари учун ёрдам бераман», - дея Гюндоганнинг сўзларини келтиради Barca Universal.
Эслатиб ўтамиз, Илкай ёзда «Манчестер Сити»ни эркин агент сифатида тарк этиб, «Барселона»га ўтган эди.
Ярим ҳимоячи Микель Артета билан испаниялик Гвардиоланинг ёрдамчиси бўлиб ишлаган.
