"Манчестер Сити" бош мураббийи Пеп Гвардиола АПЛнинг сўнгги тўртта ўйинида ғалаба қозона олмагани учун "шаҳарликлар" Англия чемпионати турнир жадвалидаги тўғридан-тўғри рақибларидан ортда қола бошлагани билан боғлиқ вазиятга изоҳ берди.
“Биз хавотирлана бошладик, лекин бу дунёнинг охири эмас. Оптимистик бўлинг ва менга ҳақиқатан ҳам бу муаммони ҳал қилишни хоҳлаётганингизни кўрсатинг. Мен ўзимдан, клубдан ва жамоадан айнан шуни кутаман", - деб Гвардиола сўзларини келтирмоқда Siti Xtra.
Эслатиб ўтамиз, АПЛнинг 16-туридан сўнг “Манчестер Сити” 30 очко жамғариб, тўртинчи ўринда бормоқда. У 35 очко жамғарган ва учинчи ўринда бораётган “Астон Вилла”дан, 36 очко билан иккинчи ўринда бораётган “Арсенал”дан, шунингдек, турнир жадвалида пешқадамлик қилаётган “Ливерпул”дан (37 очко) ортда.
