"Manchester Siti" bosh murabbiyi Pep Gvardiola APLning so‘nggi to‘rtta o‘yinida g‘alaba qozona olmagani uchun "shaharliklar" Angliya chempionati turnir jadvalidagi to‘g‘ridan-to‘g‘ri raqiblaridan ortda qola boshlagani bilan bog‘liq vaziyatga izoh berdi.
“Biz xavotirlana boshladik, lekin bu dunyoning oxiri emas. Optimistik bo‘ling va menga haqiqatan ham bu muammoni hal qilishni xohlayotganingizni ko‘rsating. Men o‘zimdan, klubdan va jamoadan aynan shuni kutaman", - deb Gvardiola so‘zlarini keltirmoqda Siti Xtra.
Eslatib o‘tamiz, APLning 16-turidan so‘ng “Manchester Siti” 30 ochko jamg‘arib, to‘rtinchi o‘rinda bormoqda. U 35 ochko jamg‘argan va uchinchi o‘rinda borayotgan “Aston Villa”dan, 36 ochko bilan ikkinchi o‘rinda borayotgan “Arsenal”dan, shuningdek, turnir jadvalida peshqadamlik qilayotgan “Liverpul”dan (37 ochko) ortda.
