Лука Модричнинг Анчелотти қароридан жаҳли чиқди. Ла Лига 16-тури доирасидаги "Бетис"га қарши баҳсда (1:1) Лука Модрич "Реал" сафида асосий таркибда майдонга тушди ва иккинчи бўлимда захирага олинди. У Карло Анчелоттининг бу қароридан норози бўлиб, жаҳл билан сув идишини улоқтирди ва захира ўриндиғини тепди. Унинг бу ҳаракатини Анчелотти пайқаб қолди ва унинг шахсан ўзи Лукага вазиятни тушунтиришга ҳаракат қилди.
Эслатиб ўтамиз, 38 ёшли хорватнинг "қироллик клуби" билан амалдаги шартномаси 2024 йилнинг ёзида якунланади. Унга бир қатор Саудия клублари қизиқиш билдирмоқда.
