Тажрибали мексикалик ҳужумчи Рауль Хименес Премьер-лигада кетма-кет иккита ўйинда гол урди.
Сўнгги турда Рауль «Ноттингем Форест» клубига қарши баҳсда дубл қайд этган бўлса, жорий турда Лондоннинг «Вест Хэм» клуби дарвозасига гол урди. Хименес «Фулхэм»да ўйнайди.
Хименес 2020 йилдан бери биринчи марта Премьер-лигада кетма-кет иккита ўйинда гол урди - ўшанда у ҳали ҳам «Вулверхэмптон» футболчиси эди.
Умуман олганда, 32 ёшли мексикалик 2018 йилдан 2023 йилгача «бўрилар» лагерида ўйнаган. Жорий мавсумда Мексика терма жамоаси футболчиси лондонликлар шарафини ҳимоя қилмоқда.
