Стефано Пиоли устидан қора булутлар тўпланмоқда. "Милан" Италия чемпионатида мағлубиятга учради ва Чемпионлар лигасини тарк этишга яқин турибди. Пиоли учун кўп нарса бунга боғлиқ бўлиши мумкин, чунки Италияда Пиоли билан хайрлашиш ва уни Антонио Конте билан алмаштириш истиқболларини муҳокама қилишмоқда.
La Gazzetta Dello Sport нашрининг хабарига кўра, Конте "Милан" билан ишлашга қарши эмас. Италиялик журналист Николо Скира ҳам шундай фикрда, аммо у Контега кўпроқ пул кераклигини таъкидлади - 7-8 миллион евро, Пиоли эса 4,5 миллионга ишлайди.
Бундан ташқари, Конте "Ювентус", "Рома" ва "Наполи" билан бошқа музокаралар олиб бормоқда.
