“Манчестер Юнайтед” ҳимоячиси Каземиро жароҳатидан фориғ бўлиб, машғулотларни тўлиқ давом эттиришни бошлади, дея хабар бермоқда “қизил иблислар” матбуот хизмати.
Бразилиялик ярим ҳимоячи УЕФА Чемпионлар лигаси гуруҳ босқичи 6-туридан ўрин олган "Бавария"га қарши ўйин учун "қизил иблислар" таркибига киритилиши мумкин. Учрашув эртага, 12 декабрь куни "Олд Траффорд" стадионида бўлиб ўтади.
Эслатиб ўтамиз, Каземиро жароҳати туфайли октябрь ойидан бери майдонга тушмаяпти. Ярим ҳимоячи Бразилия терма жамоаси сафида жароҳат олган эди.
Жорий мавсумда бразилиялик футболчи АПЛда 8 та ўйин ўтказиб, битта гол урди.
