"Интер" ярим ҳимоячиси Хоқон Чалханўғлу Англия Премьер-лигасининг икки гиганти қизиқиш доирасига тушиб қолди.
Июль ойида 29 ёшли футболчи “нерадзуррилар” билан шартномасини 2027 йилгача узайтирди. Узоқ муддатли шартномага қарамай, Англияда туркиялик ярим ҳимоячига талаб бор: Tuttosport нашри хабарига кўра, унинг ўйинини "Ливерпуль" яқиндан кузатиб бормоқда. "Қизиллар" Ҳоқон учун "Челси" билан рақобатлашишга тайёр.
Ҳоқон Чалханўғлу ушбу мавсумда 18 та ўйинда 8 та гол урди ва 2 та голли узатмани амалга оширди. Transfermarkt портали футболчининг нархини 40 миллион еврога баҳоламоқда.
