Англия чемпионатининг ўн олтинчи турида «Лутон Таун» яна «девлар»га қарши кураш олиб бора олди – фақат иккинчи бўлимда «Манчестер Сити» омадсиз ўйинни ўзгартириб, 2:1 ҳисобида ғалаба қозона олди. Бироқ, «Лутон» бош мураббийи Роб Эдвардс ижобий фикрда.
«Ўйлайманки, ўйинга ижобий қараш керак. Биз яхши ўйнадик. Жасур, тажовузкор кўриндик, ҳатто тўпсиз ҳам.
Рақибга дастлаб ўз ритмини ҳис қилишига ва гол уришига имкон бермадик. Ростини айтсам, ютқазганимиз ачинарли, аммо биз топ-клуб – «Манчестер Сити»ни ҳурмат қилишимиз керак», - дея Роб Эдвардснинг сўзларини келтиради BBC Sport.
