"Манчестер Юнайтед" раҳбарлари жамоа ҳужумчиси Антони Марсьялнинг ўйинидан норози. Инсайдер Девид Орнштейн ижтимоий тармоқларда айтганидек, манкунианликлар футболчи билан ҳамкорликни янгиламоқчи эмас.
Антони ва "қизил иблислар" ўртасидаги амалдаги меҳнат шартномаси келаси йилнинг ёзида тугайди. Клуб Марсьялни январь ойида сотишга уриниб кўради.
Жорий мавсумда ҳужумчи барча турнирларда 19 та учрашувда иштирок этиб, иккита гол урди ва битта голли узатмани амалга оширди. Унинг бозор қиймати 15 миллион еврога баҳоланмоқда.
