“Жирона” ҳимоячиси Мигель Гутьерресга Европанинг бошқа клуби қизиқиш билдирмоқда, дея хабар бермоқда Relevo.
"Арсенал" скаутлари уни кузатиб боришаётгани ҳақида маълумот бор эди ва энди "Бавария"дан қизиқиш борлиги маълум бўлди. Шунингдек, "Жирона" билан бир хил мулкдорлар гуруҳига кирувчи "Манчестер Сити"дан ҳам қизиқиш бор. Шартномада 35 миллион евро миқдоридаги банд бор.
"Реал Мадрид" Гутьерреснинг 50 фоиз ҳуқуқларга эга. Мадридликлар футболчини 8 миллион еврога қайтариб сотиб олиш вариантидан ҳам фойдаланиши мумкин. Аммо улар кўпроқ "Бавария" аъзоси Альфонсо Дэвисга эътибор қаратишган.
Мигелнинг "Жирона" билан шартномаси 2027 йилгача мўлжалланган. Жорий мавсумда у 17 учрашувда 1 гол урди ва 3 та голли узатмани амалга оширди.
