"Бавария" спорт директори Кристоф Фройнд чап қанот ҳимоячиси Альфонсо Дэвиснинг ёмон спорт формаси унинг келажаги ҳақидаги тахминларга таъсир қилган деб ўйламайди.
Эслатиб ўтамиз, "Бавария" ҳали янги шартнома бўйича Дэвиснинг молиявий талабларини қондиришни истамаяпти. Канадалик футболчининг амалдаги шартномаси 2025 йилнинг ёзида якунига етади.
"Дэвиснинг ёмон формаси унинг келажаги ҳақидаги тахминларга таъсир қилдими? Мен бундай деб ўйламайман. Янги шартнома? Биз музокаралар олиб бормоқдамиз. Келгуси ҳафталарда нима бўлишини кўрамиз", - деди Фройнд.
"Реал Мадрид" Дэвиснинг хизматларига жуда қизиқмоқда ва трансферни ёзда якунламоқчи.
