"Севилья" ярим ҳимоячиси Оливер Торрес Чемпионлар лигаси гуруҳ босқичининг сўнгги "Ланс"га қарши ўйинидан умидлари билан ўртоқлашди.
"Очиғи, гуруҳга қуръа ташлаш маросими бўлиб ўтганида, биз плей-оффга чиқишимизни шу ўйин ҳал қилади деб умид қилгандик. Аммо энди олдимизда янги вазифа турибди – Европа лигасига йўлланмани қўлга киритиш. Бу клуб ва мухлислар учун нимани англатишини биламиз. Биз майдонга чиқиб, бу ўйинларга тайёр эканлигимизни кўрсатишимиз керак. Умид қиламанки, бу биз лойиқ бўлган бурилиш нуқтаси бўлади", - дея Торреснинг сўзларини келтиради УEФА расмий сайти.
"Ланс" - "Севилья" ўйини 12 декабрь куни Францияда бўлиб ўтади ва Тошкент вақти билан соат 22:45да бошланади. Испанияликлар Европа Лигаси плей-офф босқичига фақат ғалаба қозонишсагина йўл олишлари мумкин.
