Мадриднинг “Реал” клуби марказий ҳужумчиси Хоселу мадридликлар сафига қайтганидан кейин ўз ҳис-туйғулари ҳақида гапирди.
“Мен ўзимни ёш боладек ҳис қиламан. Бу ерда бўлишим ҳамма нарсани ўзгартиради. Бу ҳар бир футболчининг орзуси. Бир вақтлар бу ерда ўзимни кўрсатиш имкониятига эга бўлгандим. Ҳозир уйга қайтганимдан жуда хурсандман", - деди форвард.
Эслатиб ўтамиз, Хоселу Мадрид грандига "Эспаньол"дан ижара асосида ўтган эди. Томонлар ўртасидаги амалдаги меҳнат шартномаси муддати жорий мавсум охиригача тузилган.
