Чемпионлар лигаси гуруҳ босқичи 6-тур учрашувида Миланнинг “Интер” клуби ўз майдонида “Реал Сосьедад”ни қабул қилади. "Нерадзуррилар" бош мураббийи Симоне Индзаги ушбу учрашув ҳақида гапирди.
“Бизни яхши рақибга қарши қийин ўйин кутиб турганини биламан. Ғалабага эришиш учун юқори даражада ўйин кўрсатишимиз керак. Бу "Интер" учун қийин синов бўлади", - деди мутахассис.
Эслатиб ўтамиз, сўнгги тур олдидан “Интер” ва “Реал Сосьедад” клубларида 11 очко бор. Ғолиб гуруҳ пешқадамлигини қўлга киритади.