Англия премьер-лигасининг 23-турида Лондон дербиси бўлиб ўтди. Етакчилар қаторида бораётган «Челси» бу ўринларга даъвогар бўлиб турган «Арсенал»ни қабул қилиб ғалаба қозонди.
Дастлабки дақиқаларни кўтаринки руҳда ўтказган Бенитес шогирдлари Мата ва Лэмпарднинг голлари эвазига 2:0 ҳисобида олдинга чиқиб олганди. Бироқ иккинчи бўлимда «Арсенал» ўйинида туб бурилиш кузатилди. Тео Уолкотт ҳисобдаги фарқни қисқартирди, лекин қолганига «канонирлар»нинг кучи етмади.
Ушбу ғалабадан кейин «Челси» ҳисобидаги очколар сони 45тага етди.
АНГЛИЯ ПРЕМЬЕР-ЛИГАСИ
23-тур
ЧЕЛСИ – АРСЕНАЛ 2:1 (2:0, 0:1)
Голлар: Мата (6), Лэмпард (16, пенальти) – Уолкотт (58).
Челси: Чех, Аспиликуэта, Кэйхилл, Иванович, Э. Коул, Рамирес, Лэмпард, Мата, Оскар (Бертран, 72), Э. Азар (Марин, 88), Торрес (Д.Ба, 81).
Арсенал: Шченсни, Санья, Мертесакер, Вермален, Гиббс, Диаби (Аршавин, 75), Коклен (Рэмзи, 59), Уолкотт, Уилшер, Касорла, Жиру.
Огоҳлантиришлар: Шченсни (16), Мата (66), Э. Коул (87).