"Барселона" футболчиси Серхи Роберто Лионель Месси клубни тарк этганида қанчалик ҳайрон қолганини эслади.
“Леонинг кетиши мени жуда ҳайратда қолдирди. Буни мен ҳам, жамоадошларим ҳам кутмаган эдик. Биз у шартномани узайтиради деб ўйлагандик. Орадан бир неча йил ўтди, лекин ўша кунларда нима бўлганини ҳали ҳеч ким билмайди. Шахсан мен Месси фаолиятининг охиригача “Барселона”да ўйнайди деб ўйлагандим”, – дея Робертодан иқтибос келтиради Inter Miami News Hub.
Эслатиб ўтамиз, Лионель Месси икки мавсумни “ПСЖ”да ўтказган ва шундан сўнг “Интер Майами”га ўтган эди.