Лондоннинг «Арсенал» клуби бош мураббийи Микель Артета жамоанинг Чемпионлар лигаси плей-офф босқичидаги истиқболлари ҳақида гапирди.
«Канонирлар» ўз квартетини биринчи ўрин билан якунлади. Охирги тур ўйинида инглизлар Голландиянинг «ПСВ» клуби билан очко бўлишди (1:1).
«Биз бу даражада рақобатлаша олганимизни кўрдим. Гуруҳда биринчи ўринни эгаллашимиз жуда муҳим ва биз буни якунга бир тур қолганда ҳам уддаладик.
Биз ғалаба қозонишда давом этишимиз керак. Биз февралда қайтамиз», деди Артета ўйиндан кейинги интервьюда «Арсенал»нинг Чемпионлар лигасида муваффақиятга эришиш имкониятлари ҳақида сўралганда.
