«Бавария» вингери Кингсли Коман УЕФА Чемпионлар лигаси гуруҳ босқичи 6-турида «Манчестер Юнайтед» устидан қозонилган ғалаба ҳақида ўз фикрлари билан ўртоқлашди. Немис гранди 1:0 ҳисобида зафар қучди.
«Бу ажойиб гуруҳ босқичи ўйинларидан бири бўлди ва биз яхши ўйин кўрсатдик. Кўп гол урмайман, лекин бу ўйинда совуққонликни сақладим ва рақиб дарвозасига зарба бера олдим.
Биз яна плей-оффга чиққанимиздан жуда хурсандмиз. Келажакда жиддий рақиблар бўлишини тушунамиз. Биз бунга тайёрмиз», - деди франциялик футболчи.
