Мадриднинг “Реал” клуби ярим ҳимоячиси Дани Себальос бош мураббий Карло Анчелотти билан муносабатлари ҳақида гапирди. Испаниялик футболчи кеча Чемпионлар лигаси доирасидаги "Унион Берлин"га гол урди ва сўнгги дақиқаларда жамоасининг 3:2 ҳисобида ғалаба қозонишига ёрдам берди.
"Мен Анчелотти туфайли "Реал"даман. Ёзда жамоада қолишимда асосий рол ўйнади. Мен ҳар доим Карло томонидан қўллаб-қувватланганман. У менинг голимдан жуда хурсанд эканлигини айтди. Унинг ёрдами мен учун муҳим рол ўйнайди. Анчелотти барчамиз учун отадек”, - деди Себальос.
