Лондон клуби расмий сайти хабар беришича, "Челси"нинг ўнг қанот ҳимоячиси Мало Гюсто жамоа машғулотларига қайтди. Эслатиб ўтамиз, франциялик футболчи сўнгги халқаро танаффусда жароҳат олган ва шу сабаб қаторасига тўртта учрашувда “кўклар”га ёрдам бера олмади.
Гюстонинг қайтиши "Челси" учун жуда муҳим воқеа, чунки аввалроқ жамоанинг асосий ўнг қанот ҳимоячиси Рис Жеймс жиддий жароҳат олган ва камида март ойига қадар сафдан чиққан эди.
Гюсто Англия Премьер-лигасидаги биринчи мавсумида, у аллақачон тўққизта ўйинда иккита голли узатмани амалга оширган.
